Fasnacht 2016

Sujet:

,,ALLES BANANE(N)"

S`Hilton isch zwoor e Hotel gsy füür die Bessere und Riiche,

Doch äinewääg muesses jetzt füür e Neubau wiiche.

Soo mache viili alti traditionelli Gschäfter dicht und bald kasch käins me gsee,

Doo froogt me sich z`Basel natüürlig ob am Änd au no verschwindet 

unser Fasnachts- Comité?

„Atemlos“ isch nach wie vor e mega Hit,

Wo Alt und Jung stets singe mit.

Nit grad ootemlos aber doch spaarsam mit dr Ootmig soht verhaare,

Wer immene Dunnel vor sich het e nid ganz abgasgnormte Schwoobekaare.

Die Abgasgschicht wo in Ameerika uffgflooge isch drifft au unsere FCB,

Draage doch die uff ihre Liibli au soo e Loogo mit de Buechstaabe V und W.

Soo will me au im Fuessball sicher sii ob dr Ussstoos natüürlig isch und setzt e Zeiche,

Doo längts glii nümmi wenn bii dr Dopingbroob numme duesch ins Röörli saiche.

Impressione zur Fasnacht 2016