"Wäägelispruch" links:
Nadierlig
hän mir au uff dääre Syte eppis welle schryybe,
Doch in däm Joor löön mer das,
fir aimool blyybe.
Denn egal, was fir Ziile me wurd verfasse,
S wurd sicher
aine koo, däm wurds nit basse.
Eppis Politischs isch an und fir sich scho lätz
verständlig
Und mainsch e Frau, isch das
scho gly, au wyyberfindlig.
Doch blyybe d Wänd an unserem Wäägeli blutt isches
sexistisch
Und löön mer syy nur schwarz, wärs am Änd, sogar rassistisch.
Soo
schlängle mer uns pfupfend duure, in seelischer Rue
Und bysse ohni Warnig,
derfiir giftig zue.
"Wäägelispruch" rächts:
Fir aimool löön mer s wirgglig blyybe
Und dien kaini Brofeetebeeri
uff unser Wäägeli schryybe.
Doch ganz schwarz darf nadyyrlig au nit blyybe
unser Brätt,
Sunscht isches am Änd joo rassistisch und gar nit nätt.
Schryybe mer
eppis iiber Fraue miese mer jedes Wort loo zwaimol brieffe,
Sunscht wurde syy
scho gly uss alle Gasse und Egge „mee too“ rieffe.
Sälbscht iiber Schwoobe,
Ziircher, Schugger und dr FCB soll me s schriibe blyybe loo,
Denn die kennte
joo ufaimool under Gattigschutz, im Gsetzbuech stoo.
Soo schlängle mer uns
giftig pfyyserled am Cortège und durch d Masse duure,
Denn wirgglig bysse dien
nur lätzi Schlange, mit grosser Schnuure.
