Fasnacht 2017

Sujet: 

D Leerer sin als jee mee die Dumme, 

doo d Schieler iine danze uff dr Naase umme!

Hit stoot dr Lehrer nid nur fir Schriibe und Mathematik 

sonder au für Religion und Asylpolitik.

Derzue miese sii au erglääre dass e Burka nid wirgglig duet schwimme 

und dass nid alles Verhiilte gheert zem woorlig schlimme.

Als Schieler muesch Glaider aazie ganz neitral 

denn scho e Schwizer-Hemmli gilt in dr Schuel als rächtsradikal.

So wird ussem Schwyzer-Bliemli unserem Edelwyss 

Gnall uf Fall e riise grosses Mediegschyss.

Will dr Lehrer emool e weeneli luter referiere 

duet d`Schuelglass schoo iiber d Art vom Lehrer rebeliere.

Doch es gilt wenn Alles ussem Rueder laufe duet 

,,Hauptsach am Alessio, däm goots guet!

S`Video zu dere Fasnacht findet me unter:

"Videos/Media"

Impressione zur Fasnacht 2017