Neben denn aktiven "Hörnli- Rueche",gibt es noch welche, die seit dem Gründungs-Jahr mindestens einmal am Cortège mit dabei waren. Wir wollten uns nochmals bedanken und so haben wir Alle ehemaligen Hörnlis aufgelistet, die Heute nicht mehr bei uns sind.
>>IHR SIND E TEIL VO DR GSCHICHT UND DRUM GHÖRT EUCH DIE SIITE!<<
GROSSES DANGGE AN:
David
Laider isch au är nur kurz in unserer Gsellschaft bliibe, denn ihn hets scho nachem erschte Joor
Hörnli, uffe
Waage driibe.
Doch
het au är noo
unser erschts Wäägeli gholfe baue
und gstalte, was
mer bis hite hän in gueter Erinnerig bhalte.
Franc
Nur e
kurzes Gaschtspiil het är bii uns gee Und sythär hänn mir
ihn, au nimee gsee.
Doch isch au är e Dail voo unserer Hörnli- Gschicht und het uns zeigt, sii Fasnachts- Gsicht.
Mer hoffe är het hite wider Grund zem
Lache und kaa an andere Ort, wider richtig Fasnacht
mache.
Michi
Ebbis Billigs het är immer gnoo und isch
stets au ganz, guet
Heime koo.
Hit
dien mir am Zyschtigoobe ame zämme noo aine dringge, doch
am Cortège duet är uns
nur noo vom Stroosserändli wingge.
Glatti Fasnachte hän mer zämme deerfe gniesse und
soo dien
mer ihn doo nomol miteme Danggscheen griesse.
Yves
Sii IIstellig
zur Fasnacht isch fair und gsund Und au är gheert
zu de Hörnli, voo dr erschte
Stund.
Doch
het
är
immer wider gsait, es zieht ihn zrugguffene
Waage. Und
soo
hän
mir au ihm viil
zfrieh miesse
Adieu saage.
Noo
hit
isch
är
aber mit uns in Frindschaft verbunde Und
mer
hoffe dass das Danggscheen dr Wääg, zu ihm het
gfunde.
Kurt
Hörnli und Ghackts unter dr Wettstaibrugg, nur all zu gärn dängge mir an die Zyt zrugg.
Als Ehre- Hörnli, wie mir ihn liebevoll
nenne,
duet är fir uns nid nur, e Absinth brenne!
Sii Gsundheit het laider e Banane- Fasnacht nimm meeglich gmacht und soo saage mir doo nomol Dangge, fir Alles wo är fir uns het gmacht.
Annika
Ihr
Lache und ihri
Art mir doch scho arg vermisse, het
sii
doch stets mit uns am Kaare grisse.
Ihri Moolkinscht
hän
sich gottlob uff anderi Hörnli iiberdraage und au doo isch mol an dr Zyt zem voo Härze Dangge
saage.
Mirella
Suuper wenn mee uff e liebi Frau doo zehle kaa,woo in dr Not,
stoot ihre
Maa.
Aii
Fasnacht het sii bii uns gaschtiert und
s aktive Fasnachtslääbe ussprobiert.
Gärn
hätte mer sii nadyrligg in unserem Kreis uffgnoo, doch
hän mer sii laider miteme Dangge
wider, miesse loo goo.
Melania
Sii isch e liebi und chlii kompliziert, dass isch nid glooge oder
soo, nur
het sii fir dr Wäägelibau, zwai
richtig linggi Händ biikoo.
Doch
ihri
Hilfsbereitschaft bliibt
stets unvergässe, denn
sii het uns
stets bim Bastle versorgt, mit feinem Ässe.
Hit
gits aber
kai siesse
Gspritzte und au dr
Paris- Style het e Usszyt gnoo, alles
Gueti und
d Rolle als Mami wird ihre sicher, au ganz guet stoo.
Marco
Mer hän uns groogt, ob är
hebt wirgglig
duure Und
maag
drei Daag
ohni
Pause schnuure?
Doch
isch
är
mol
still und schwiigt
sich uss, froogt
mee
was los isch
und kunnt
nimm druss.
Fir
s Fasnacht mache het är jedoch, fascht Alles gee und
soo het mee
au ihn bim zieh, voo unserem Wäägeli
gsee.
Raffael
Fir ihn isch vor Allem wichtig und dass isch nid gehaim, sii liebi Familie und e gmiedligs Dehaim.
Soo steggt är in Zuekunft d'Roose Dehaim in d'Vase und nimme bim Waggis under d'Naase.
Viile Dangg fir die scheene Fasnachts-Stunde woo mir gmainsam hän deerfe gniesse und gärn die mer ihn und sii Familie biimene Bsiechli am Claraplatz, bii uns begriesse.
Beat
Gross wie e Felse, stargg wie e Bär und optisch au mol
chlii «Wilde Maa», doch uff ihn und siini Hilf, jederzyt und iiberal mee
zeele kaa.
Uff sii grosses Härz könne nid nur mir, sondern au är
sälber verdraue, dass im allgemeine Lääbe sowie au, wenn mer dien an
unserem "Wäägeli" baue.
Laider hän mer Ihn als Aktive, aber sicher nid als
Frind verloore und dass au nid, will sii heisse Kaffi fir aimol isch in dr Maschiine gfroore.
Soo saage mer Dangge fir viili scheeni Fasnachtsstunde
wo mer zämme hän kenne und deerfe gniesse und mer hoffe, dass mer uns au zuekümpftig kenne gsund
und munter in d`Arme schliesse.
Fabio
Kreative Macher, Längger,
Dängger und dass Alles in aim,
doch was är näbscht all däm
und dr Homepage macht,
bliibt doo gehaim.
Sarah
Sii het mol welle luege,
wie mee aktiv duet bii de «Hörnli- Rueche»
Fasnacht mache
und het siit däm au
voo unter dr Larve här,
zwei mol ind Kamera voo de
Fotigraafe glache.
Raymond
«Aii-Hörnli»
Duet e Krampf in der Waade in arg hetze oder bedrugge
Hilft är sich mit Mässer wetze und «Zäpfli» schlugge.
Noëmi
Fir uns isch es e gsundi Sach dass sii aggdiv mit uns duet Fasnacht mache
und scho unvergässlig sinn frisch putzti Bisser, woo aim au imme Käller dien entgege lache.